राष्ट्रवादी काँग्रेस पक्षाची पहिली निवडणुकीसाठी उमेदवारी यादी जाहीर

मुंबई :राष्ट्रवादी काँग्रेस शरदचंद्र पवार पक्षानं विधानसभा निवडणुकीसाठी उमेदवारांची पहिली यादी जाहीर केली आहे. प्रदेशाध्यक्ष जयंत पाटील, आमदार रोहित पवार, अनिल देशमुख, राजेश टोपे, बाळासाहेब पाटील, जितेंद्र आव्हाड या नेत्यांना पक्षानं पुन्हा एकदा संधी दिली आहे. तर उपमुख्यमंत्री अजित पवारांच्या बारामती मतदारसंघातून युगेंद्र पवारांना तिकीट देण्यात आलेलं आहे. त्यामुळे बारामतीत यंदा काका विरुद्ध पुतण्या असा थेट सामना पाहायला मिळेल. लोकसभा निवडणुकीत बारामतीमध्ये अजित पवारांच्या पत्नी सुनेत्रा पवार यांचा पराभव झालेला आहे. त्यानंतर आता शरद पवारांनी पुतण्याविरोधात नातू युगेंद्र पवारांना संधी दिली आहे.

गेल्या वर्षी राष्ट्रवादी काँग्रेसमध्ये मोठी फूट पडली. अजित पवारांच्या नेतृत्त्वात जवळपास ४० आमदारांनी शरद पवारांची साथ सोडली. अनेक मातब्बर नेते शरद पवारांना सोडून अजित पवारांसोबत गेले. अगदी मोजकेच आमदार शरद पवारांसोबत राहिले. त्यातील जवळपास सगळ्याच आमदारांना शरद पवारांनी पुन्हा तिकीट दिलं आहे. काही दिवसांपूर्वी भाजप सोडून आलेल्या हर्षवर्धन पाटील यांना इंदापुरातून, तर समरजीत घाटगे यांना कागलमधून उमेदवारी देण्यात आलेली आहे

पहिल्या यादीतील उमेदवार :

.इस्लामपूर- जयंत पाटील

काटोल- अनिल देशमुख

घनसावंगी- राजेश टोपे

कराड उत्तर- बाळासाहेब पाटील

कळबा मुंब्रा- जितेंद्र आव्हाड

कोरेगाव- शशिकांत शिंदे

वसमत- जयप्रकाश दांडेगावकर

जळगाव ग्रामीण- गुलाबराव देवकर

इंदापूर- हर्षवर्धन पाटील

राहुरी- प्राजक्त तनपुरे

शिरुर- अशोकराव पवार

शिराळा- मानसिंगराव नाईक

विक्रमगड- सुनील भुसारा

कर्जत जामखेड- रोहित पवार

अहमदपूर- विनायकराव पाटील

सिंदखेडराजा- राजेंद्र शिंगणे

उदगीर- सुधाकर भालेराव

भोकरदन- चंद्रकांत दानवे

तुमसर- चरण वाघमारे

किनवट- प्रदीप नाईक

जिंतूर- विजय भांबळे

केज- पृथ्वीराज साठे

बेलापूर- संदीप नाईक

वडगाव शेरी- बापूसाहेब पठारे

जामनेर- दिलीप खोडपे

मुक्ताईनगर- रोहिणी खडसे

मुर्तिजापूर- सम्राट डोंगरदिवे

तिरोडा- रविकांत बोपछे

अहेरी- भाग्यश्री अत्राम

बदनापूर- बबलू चौधरी

मुरबाड- सुभाष पवार

घाटकोपर पूर्व- राखी जाधव

आंबेगाव- देवदत्त निकम

बारामती- युगेंद्र पवार

कोपरगाव- संदीप वर्पे

शेवगाव- प्रताप ढाकणे

पारनेर- राणी लंके

आष्टी- मेहबूब शेख

करमाळा-नारायण पाटील

सोलापूर शहर उत्तर – महेश कोठे

चिपळूण- प्रशांत यादव

कागल- समरजीत घाटगे

तासगाव कवठेमहाकाळ- रोहित आर आर पाटील

हडपसर-प्रशांत जगताप